பேருந்தில் சத்தமாக ஒலி எழுப்பிய சாரதிக்கு காத்திருந்த அதிர்ச்சி..!!

செல்லுபடியாகும் சாரதி அனுமதிப்பத்திரம் இன்றி பொதுமக்களுக்கு இடையூறு ஏற்படுத்தும் வகையில் பேருந்தில் சத்தமாக ஒலி எழுப்பிக்கொண்டிருந்த பேருந்து சாரதி கைது செய்யப்பட்டுள்ளார். காலி பொது பேருந்து நிலையத்தில் உள்ள காவலக பொறுப்பதிகாரியினால் குறித்த சாரதி கைது செய்யப்பட்டு காலி காவல்நிலைய போக்குவரத்து பிரிவினரிடம் ஒப்படைக்கப்பட்டுள்ளார். மேலும் குறித்த பேருந்தையும் காவல்துறையினர் பொறுப்பேற்றுள்ளனர். குறித்த சாரதி இலகுரக வாகனங்களுக்கான அனுமதிப் பத்திரத்தை மாத்திரமே வைத்துள்ளதாக காலி காவல்துறை போக்குவரத்து பிரிவு தெரிவித்துள்ளது. இந்நிலையில் குறித்த நபரை நீதிமன்றில் முன்னிலைப்படுத்துவதற்கு நடவடிக்கை எடுக்கப்பட்டுள்ளது.

Related posts